Punjabi Lekhak

 

.. (Home) ਮੁੱਖ ਸਫ਼ਾ (AboutUs) ਸਾਡੇ ਬਾਰੇ (Contact) ਸਾਡਾ ਪਤਾ (Fonts) ਫੌਂਟਸ (Links) ਹੋਰ ਸੰਪਰਕ

 
 
 
 
 
 
 
ਤਕਦੀਰ - ਪਰਸ਼ੋਤਮ ਲਾਲ ਸਰੋਏ.

ਨਾ ਮੈਂ ਹਿੰਦੂ, ਨਾ ਮੈਂ ਮੁਸਲਮ,
ਨਾ ਹੀ ਮੈਂ ਸਿੱਖ ਇਸਾਈ।
ਮੈਂ ਆਪਣੀ ਤਕਦੀਰ, ਮੱਥੇ \'ਤੇ,
ਬਸ ਇਨਸਾਨੀਅਤ ਜ਼ਾਤ ਲਿਖਾਈ।
ਨਾ ਮੈਂ ਹਿੰਦੂ, ਨਾ ਮੈਂ ਮੁਸਲਮ,
ਨਾ ਹੀ ਮੈਂ ਸਿੱਖ ਈਸਾਈ।

ਮਨੂੰ ਵਾਦੀਆਂ ਕਹਿਰ ਕਮਾਇਆ,
ਧਰਮਾਂ ਵਿਚ ਸਾਨੂੰ ਵਾੜ ਬਿਠਾਇਆ,
ਭਾਂਈਆਂ ਨੂੰ, ਭਾਈਆਂ ਨਾਲ ਲੜਾ ਕੇ,
ਉਨ੍ਹਾਂ ਫੁੱਟ ਸਾਡੇ ਵਿਚ ਪਾਈ।
ਨਾ ਮੈਂ ਹਿੰਦੂ, ਨਾ ਮੈਂ  ਮੁਸਲਮ,
ਨਾ ਹੀ ਮੈਂ ਸਿੱਖ ਈਸਾਈ

ਧਰਮ ਦੇ ਨਾਂਅ \'ਤੇ ਜੋ ਅੱਗਾਂ ਲਾਉਂਦੇ,
ਇਨਸਾਨੀਅਤ ਨੂੰ ਜੋ ਮਾਰ ਮੁਕਾਉਂਦੇ,
ਸਮਝਦਾਰ ਇਥੇ ਕੋਈ ਨਾ ਦਿਸਦਾ,
ਜਿਹਨੇ ਜੁੱਤੀ ਹੋਵੇ, ਮਗਰ ਇਨ੍ਹਾਂ ਦੇ ਲਾਹੀ।
ਨਾ ਮੈਂ ਹਿੰਦੂ, ਨਾ ਮੈਂ ਮੁਸਲਮ,
ਨਾ ਹੀ ਮੈਂ ਸਿੱਖ ਈਸਾਈ

ਦੇਸ਼ ਦਾ ਨੇਤਾ ਹਰਾਮੀਂ ਹੋਇਆ,
ਕੌਮ ਲਈ ਜੋ ਬਦਨਾਮੀਂ ਹੋਇਆ,
ਮਾਈ-ਭਾਈ ਸਭ ਉਹਦੇ ਪੈਰ ਨੇ ਚੁੰਮਦੇ,
ਫਿਰ ਲੱਭੀਏ ਕਿਹੜਾ ਨਾਈ।
ਨਾ ਮੈਂ ਹਿੰਦੂ, ਨਾ ਮੈਂ  ਮੁਸਲਮ,
ਨਾ ਹੀ ਮੈਂ ਸਿੱਖ ਈਸਾਈ।

ਲੋਕਤੰਤਰ ਦੀ ਜਾਈਏ ਡੌਂਡੀ ਪਿੱਟੀ,
ਉਹ ਤਾਂ ਮਿਲਿਆ ਵਿਚ ਹੈ ਮਿੱਟੀ,
ਕੌਣ ਕਿਸ ਨੂੰ ਆਖ ਸਮਝਾਵੇ,
ਇਹਦੀ ਪਾਵੇ ਕੌਣ ਦੁਹਾਈ।
ਨਾ ਮੈਂ ਹਿੰਦੂ, ਨਾ ਮੈਂ ਮੁਸਲਮ,
ਨਾ ਹੀ ਮੈਂ ਸਿੱਖ ਈਸਾਈ।

ਪਰਸ਼ੋਤਮ ਦੁਨੀਆਂ ਨੂੰ ਆਖ ਸੁਣਾਵੇ,
ਸੁਧਰ ਜਾਓ ਅਜੇ ਵੀ, ਰੌਲਾ ਪਾਵੇ,
ਚਿੜੀਆ ਚੁੱਗ ਗਈ ਖੇਤ ਜਦ ਸਾਰਾ,
ਫਿਰ ਕਹੋਗੇ, ਹਾਈ! ਹਾਈ। 2।
ਨਾ ਮੈਂ ਹਿੰਦੂ, ਨਾ ਮੈਂ ਮੁਸਲਮ,
ਨਾ ਹੀ ਮੈਂ ਸਿੱਖ ਈਸਾਈ।

2013-01-30
Comments
Woot, I will crteinaly put this to good use!
 
ਹੇਠਾਂ ਇਸ ਰਚਨਾ ਬਾਰੇ ਆਪਣੇ ਵਿਚਾਰ ਲਿਖੋ ( ਪੰਜਾਬੀ ਲਿਖਣ ਲਈ ਯੂਨੀਕੋਡ ਵਰਤੀ ਜਾ ਸਕਦੀ ਹੈ। )
ਈਮੇਲ

     ਇਹ ਰਚਨਾ ਈਮੇਲ ਕਰੋ 

  ਵੈਬਸਾਇਟ ਸਾਂਭ ਸੰਭਾਲ : ਜਨਮੇਜਾ ਸਿੰਘ ਜੌਹਲ, ਫੋਨ 1-209-589-3367 (ਅਮਰੀਕਾ), 91-98159-45018 (ਭਾਰਤ)